Dat Ritzerauer Holt höört blangenbi den NSG Hevenbruch un dat Holt Sieggrün/Mannhagen to’n Lübecker Stadtwold – Reveer Ritzerau.
Ümto liggt de Dörpers Sirksfelde, Duvensee, Kühsen, Panten, Mannhagen, Walksfelde un Koberg. In düt Holtstück warrt siet 1994 na dat Lübecker Waldnutzungskonzept arbeidt. De pensioneerte Förster Hans-Rathje Reimers warrt mit de Deelnehmers en Törn dörch dat Holtstück maken un wat över Holtweertschop, Geologie un Geschicht vertellen. Dat Wichtigste dorbi warrt natürlich de Holtweertschop sien.
Man ok Hügelgrävers ut de Bronzetiet kiekt wi uns an. De geschichtlich Bagen spannt sik vun de Opforsten in’t 18. Johrhunnert bet na dat Lübecker Woldkunzept hen.
Duer: bummelig twee Stünnen. Dat is en Initiatiev vun de Nedderdüütschbiraat vun de Stiften.
Kamen musst du mit dien egen Auto.
Vunwegen de begrenzte Tall vun de Deelnehmers mutt een sik anmellen ünner: info@stiftung-herzogtum.de oder Tel. 04542 / 870 00.
En Skizze, woans een dorhen kümmt, gifft dat ok.
Sa., 9. September 2023, 10.00 Uhr, Deelnehmen kost 5,00 €, Forstgehöft, 23896 Ritzerau, Drapen: Parkplatz am Betriebshof der Försterei
Foto © Reimers
Die Kreissparkasse Herzogtum Lauenburg ist Premiumpartner der Stiftung Herzogtum Lauenburg.